დღე-ღამის განმავლობაში უკრაინელებმა საბრძოლო მასალების 5 საწყობი, 2 სამხედრო ბაზა და 1 შტაბი გაანადგურეს.

აშშ-ის ომის შემსაწავლელი ინსტიტუტის ანალიტიკოსების თანახმად, უკრაინის არმია წინ მიიწევს ხარკოვის ოლქში, მდინარე ოსკოლის გასწვრივ და ამაგრებს პოზიციებს სოფელ გრიანკოავკასთან, Р79 გზატკეცილთან ახლოს.

უკრაინის არმიამ შეძლო რუსი სამხედროების განდევნა სევერსკი დონეცის დასახლებულ პუნქტებთან სოსნოვოე და სტუდენოკი.

ექსპერტების თქმით, რუსი სამხედროების პოზიციები, სავარაუდოდ, ოდნავ მოშორებით, მდინარიდან აღმოსავლეთითაა, ხოლო მათი ფრონტის ხაზი სუსტია.

აფეთქებები ისმოდა ხარკოვსა და დროებით ოკუპირებულ მელიტოპოლში. ინფორმაცია “მოფრენებზე” დაადასტურეს ხარკოვისა და მელიტოპოლის მერებმა.

უკრაინის არმია პოზიციებს ამაგრებს და ახალი შეტევისსთვის ემზადება. შენარჩუნებულია ოპერატიული სიჩუმე.

ამის მიუხედავად, დილის ცნობების თანახმად, დღე-ღამის განმავლობაში უკრაინელებმა საბრძოლო მასალების 5 საწყობი, 2 სამხედრო ბაზა და 1 შტაბი გაანადგურეს.

უკრაინის პრეზიდენტმა განაცხადა, რომ ხარკოვის ოლქის დეოკუპირებულ დასახლებებში აღმოჩენილია ომის დანაშაულის შემთხვევები, ბალაკლეაში კი ოკუპანტებს საწამებელი ზონა ჰქონდათ მოწყობილი.

უკრაინელი სამხედრო ექსპერტი ოლეგ ჟდანოვი ამბობს, რომ იმ დროისთვის, როცა რუსეთს მდინარე დნეპრის მარცხენა ნაპირზე სრულად ამოეწურება მომარაგების საშუალება, უკრაინა შეძლებს დაიბრუნოს ხერსონი. მისი თქმით, ეს ოქტომბრის ბოლომდე მოხდება.

 რუსული მედიის ინფორმაციით, რუსი მსჯავრდებულები მიჰყავთ ბატალიონის ფორმირებისთვის, რომელიც კერძო სამხედრო კომპანია “ვაგნერის” ბაზაზე შეიქმნება და უკრაინაში საომრად გაიგზავნება. აქვე აღნიშნულია, რომ “ვაგნერში” მიიღეს მსჯავრდებული, რომელსაც კანიბალიზმის ბრალდება დაუმტკიცეს. შეგახსენებთ, რომ ომში წაასხეს მსჯავრდებულები, მინიმუმ, რუსეთის 27 რეგიონიდან.