უკრაინის პრეზიდენტი, ვოლოდიმირ ზელენსკი ხარკოვის რეგიონის დეოკუპირებულ იზიუმში ჩავიდა. ინფორმაცია და ფოტოები უკრაინის შეიარაღებული ძალების სტრატეგიული კომუნიკაციების დეპარტამენტმა გაავრცელა.
“დღეს, უკრაინელი მედესანტეების მიერ გათავისუფლებულ ქალაქში, საზეიმოდ აღმართეს სახელმწიფო დროშა. უკრაინა საკუთარს უბრუნებს”, – წერია განცხადებაში.
ღონისძიების დასაწყისში დამსწრეებმა წუთიერი დუმილით პატივი მიაგეს დაღუპულთა ხსოვნას. პრეზიდენტმა სამხედროებს მადლობა გადაუხადა გათავისუფლებული უკრაინული მიწებისთვის.