უკრაინის არმიის წინსვლა სამხრეთისა და აღმოსავლეთის მიმართულებებზე ისევ გრძელდება, თუმცა, მასშტაბები ისეთი არ არის, როგორიც ბლიცკრიგის პირველ დღეებში: ეს იმით აიხსნება, რომ მიმდინარეობს უკვე დაბრუნებული ტერიტორიის კონტროლის სამუშაოები, ასევე მოქმედებები დეოკუპირებული მიწების შესანარჩუნებლად.
ამ დროისთვის სიტუაცია უკრაინასთან მიმართებაში, შეგვიძლია ჩამოვწეროთ მთავარი ამბებისა და თეზისების სახით, რაც საბოლოოდ, ასეთ სახეს მიიღებს:
რუსეთის პრეზიდენტისა და რუსული გენერალიტეტის გადაწყვეტილებით, ხარკოვის ოლქში 18 წლის, წვევამდელი ასაკის ჯარისკაცები უნდა გადაისროლონ.
უკრაინელები სრულად აკონტროლებენ ხარკოვის ოლქის დასახლება გოპტოვკას, ეს კი იმას ნიშნავს, რომ ბელგოროდამდე (საზღვრამდე) სულ რამდენიმე კილომეტრია დარჩენილი.
შავ ზღვაში რუსეთმა 4 დიდი სადესანტო ხომალდის აქტივირება დაიწყო, – “სამხრეთის” გაერთიანებული სარდლობა.
უკრაინის შეიარაღებულმა ძალებმა კახოვკაში მტრის საბრძოლო მასალების საწყობი გაანადგურეს.
უკრაინის კონრტშეტევა იმის მიმანიშნებელია, რომ რუსეთზე გამარჯვება შესაძლებელია, – რეზნიკოვი.
ავსტრიულ Bushmaster-ებს უნდა ვუმადლოდეთ, რომ მდინარე ოსკოლზე გავედით, – რეზნიკოვი.
ჩვენ გავაძლიერებთ პარტიზანულ მოძრაობას, ეს ოკუპანტთან ბრძოლის ეფექტური მეთოდია, – დაზვერვის წარმომადგენელი ვადიმ სკიბიცკი.
მსოფლიო აღტაცებულია, მტერი – პანიკაში, – ზელენსკი ომის 200 დღეზე.
დნეპროპეტროვსკის ოლქში, დაბომბვის დროს, ერთი ადამიანი დააიღუპა, ორი კი დაიჭრა.
ხარკოვში მტერმა საცხოვრებელი კორპუსიც დაბომბა, არიან დაჭრილები.
პუტინმა “გამოსავალი” იპოვა: ხარკოვის ოლქში 18 წლის წვევამდელები გადაისროლეს