ჩეჩნეთის ლიდერი რამზან კადიროვი აცხადებს, რომ უკრაინაში, წინახაზზე ბრუნდებიან ჩეჩენი მებრძოლები, უფრო სწორად, მათი ის ნაწილი, რომლებსაც თავად კადიროვი “დიდ მეომრებს” უწოდებს.
როგორც აღმოჩნდა, ვლ. პუტინის უსიტყვო მარიონეტს მხედველობაში ჰქონდა ადამ დელიმხანოვი (სახელმწიფო დუმის დეპუტატი) და მისი რაზმი – შეგახსენებთ, დელიმხანოვი დაჭრილი იყო და მარიუპოლისთვის ბრძოლების დროს კლინიკაშიც მოხვდა.
მაგრამ რამზან კადიროვი წერს, რომ “დიდი მეომრები” დამსახურებულ შვებულებაში იყვნენ და ახლა დაბრუნდნენ:
“მარიუპოლის, ლისიჩანსკის, პოპასნოესა და სხვა ქალაქების გათავისუფლების შემდეგ ისინი ვლადიმირ ვლადიმირის ძემ დამსახურებულ შვებულებაში გაგზავნა, ახლა კი ახალი ძალით ჩაერთვებიან წინახაზზე ბრძოლებში”, – ამბობს კადიროვი.
მან გამომწერებს მოუწოდა, მოთმინება მოირიბონ და დაელოდონ ახალ ამბებს უკრაინის ფრონტიდან, რომელთაც ჩეჩენი მებრძოლებისგან მიიღებენ.
ვიდეოში, რომელიც კადიროვმა გამოაქვეყნა, დელიმხანოვი ამბობს, რომ ხერსონის, ზაპოროჟიის ოლქებში და დონეცკის ე.წ. სახალხო რესპუბლიკაში ამჟამად 10.000-მდე ჩეჩენი ბოევიკია.