“ღმერთმა ყველგან ვერ ვიქნებიო და დედა და ბებია მაგიტომ გააჩინა”, – განცხადება ქართული ოცნების დეპუტატმა, ირმა ზავრადაშვილმა პარლამენტის ჯანდაცვისა და სოციალურ საკითხთა კომიტეტის სხდომაზე გააკეთა, სადაც საქართველოში ბებიის დღის ოფიციალურად დაწესების შესახებ მსჯელობდნენ.
“ღმერთმა ყველგან ვერ ვიქნებიო და დედა და ბებია მაგიტომ გააჩინა. მე პირადად, ცხოვრებაში თუკი რაიმე კარგი მახსოვს, ყველაფერი ბებიისგან მახსოვს. რომ არ მოგატყუოთ, დილას ჩემთან ტელეფონზე ძალიან ბევრი ზარი შემოვიდა და ახალგაზრდა ბებიებმა გააპროტესტეს, ჩვენ არ გვინდა განსაკუთრებული ბებიის დღეობაო. მართლა ყველა დღე ბებიასია და ამის საკანონმდებლო დონეზე განხილვა არც მე მიმაჩნია სწორად”, – თქვა ირმა ზავრადაშვილმა.