სექტემბრის დასაწყისში, ცალკეულ მიმართულებებზე წამოწყებული კონტრშეტევითი ოპერაციების მიმდინარეობისას უკრაინამ ოკუპირებული ტერიტორიების დაბრუნება დაიწყო.
უკრაინული და უცხოური წყაროებით დადასტურებულია, რომ ამ დროისთვის უკრაინამ კონტროლი აღადგინა, საერთო ჯამში, დაახლოებით 2.000 კვადრატულ კილომეტრ ფართობზე – იმ ტერიტორიაზე, რომელსაც ჯერ კიდევ აგვისტოს ბოლოს ვერ აკონტროლებდა.
ამასთან, აღსანიშნავია, რომ უკრაინელთა კონტრშეტევამ სრული დეზორგანიზება და ლოგისტიკის მოშლა გამოიწვია რუსეთის არმიაში, რომელსაც მსოფლიოს მეორე არმიის წოდებაზე აქვს პრეტენზია. როგორც ლუგანსკის ოლქის სამხედრო ადმინისტრაციის ხელმძღვანელმა სერგეი გაიდაიმ აღნიშნა, რუსი ოკუპანტები გარბიან არამარტო იმ ტერიტორიიდან, რომლებიც 2022 წლის თებერვლის შემდეგ აქვთ ოკუპირებული, არამედ იქედანაც, სადაც 2014 წელს შევიდნენ.
როგორც ირკვევა, უკრაინის სამხედრო და პოლიტიკურმა ხელმძღვანელობამ ერთგვარ მანევრს მიმართა. ოლექს არესტოვიჩი დღეს უკვე ამბობს, რომ სამხრეთით, ხერსონის მიმართულებით გააქტიურება და ინფორმაციული ნაკადი, რომ უკრაინა ხერსონზე შეტევას გეგმავს, “გადამტანი” მანევრი და დიდი გეგმის ნაწილი იყო.
ამ გეგმის მიხედვით მოხდა ის, რა შედეგსაც ახლა ვხედავთ: რუს სამხედროებს საერთოდ არ უფიქრიათ, რომ უკრაინელები აღმოსავლეთის მიმართულებაზე შეუტევდნენ და სამხრეთი გააძლიერეს – ნოვა კახოვკის ხიდების, პონტონების, ანტონოვკის ხიდის დაბომბვები ქმნიდა წარმოდგენას, რომ უკრაინა სწორედ სამხრეთით აპირებდა აქტიურობის გაგრძელებას.
მაგრამ მოულოდნელად, უკრაინელებმა ხარკოვის ოლქს შეუტიეს და რამდენიმე დღეში წარმოუდგენელი სედეგიც დადეს. ამ დროისთვის, ზოგიერთ მონაკვეთზე, უკრაინელებს ხარკოვის ოლოქში, სულ რამდენიმე კილომეტრი აშორებთ რუსეთის სახელმწიფო საზღვრიდან .
შეტევითი ოპერაციები ჯერაც გრძელდება. ბოლო მონაცემებით, უკრაინელები უკვე სევეროდონეცკს მიადგნენ. იმ ქალაქებისა და მნიშვნელოვანი დასახლებული პუნქტების ჩამონათვალი კი, რომლებსაც უკრაინა ამ დროისთვის აკონტროლებს, ასე გამოიყურება: