რუსეთი არაფერს დაკარგავს, მაგრამ გააძლიერებს თავის სუვერენიტეტს, რუსეთს არ დაუწყია ომი უკრაინაში და მსოფლიოს პოლარიზაცია მას მხოლოდ სარგებელს მოუტანს – ამის შესახებ რუსეთის პრეზიდენტმა, ვლადიმერ პუტინმა ვლადივოსტოკში აღმოსავლეთ ეკონომიკურ ფორუმზე გამოსვლისას განაცხადა.
“დარწმუნებული ვარ, რომ არაფერი დაგვიკარგავს და არც დავკარგავთ. შეძენის თვალსაზრისით, შემიძლია ვთქვა, რომ მთავარი შენაძენი არის ჩვენი სუვერენიტეტის განმტკიცება. და ეს არის გარდაუვალი შედეგი იმისა, რაც ახლა ხდება” – ამბობს ის.
გარდა ამისა, პუტინმა კიდევ ერთხელ გაიმეორა კრემლის პროპაგანდის ერთ-ერთი თეზისი, რომ : რუსეთი არ იწყებს ომს, არამედ ამთავრებს მას.
“ჩვენ არაფერი დაგვიწყია სამხედრო ოპერაციების კუთხით, მაგრამ მხოლოდ დასრულებას ვცდილობთ…საომარი მოქმედებები დაიწყო 2014 წელს, უკრაინაში სახელმწიფო გადატრიალების შემდეგ, მათ მიერ, ვისაც არ სურდა ნორმალური, მშვიდობიანი განვითარება და ცდილობდნენ საკუთარი ხალხის ჩახშობას და 8 წლის განმავლობაში დონბასში ხალხის გენოციდს ახორციელებდნენ “, – ამბობს პუტინი
მან უკრაინაში შეჭრას “მოვალეობა” უწოდა, რომელიც “უნდა შესრულდეს”