“დღეს საღამოს პრეზიდენტ ზელენსკისგან გავიგებთ შესანიშნავ ამბებს ხარკოვის ოლქში წარმატებული კონტრშეტევითი ოპერაციის შესახებ”, – წერს სერჰი ლეშჩენკო, უკრაინის პრეზიდენტის ადმინისტრაციის მრჩეველი. 

შეგახსენებთ, დღეს უკრაინის არმიამ კონტრშეტევა როგორც ხერსონის, ასევე ხარკოვის ფრონტზე წამოიწყო – ოფიციალური ინფორმაციით, ოკუპანტებისგან გათავისუფლებულია დასახლებული პუნქტი ნოვოვოზნესენსკე ხერსონის მიმართულებაზე, ხოლო ხარკოვის მიმართულებაზე – დოვგენკე. 

დღევანდელი დღე უკრაინის კიდევ რამდენიმე წარმატებით აღინიშნა. მაგალითად, ცნობილი გახდა, რომ ოკუპირებულ ბერდიანსკში კოლაბორანტი ადგილობრივი “კომენდანტი” არტიომ ბარდინი საკუთარ მანქანაში ააფეთქეს. ის მძიმედ დაიჭრა და კლინიკაში იყო გადაყვანილი, სადაც სულ ცოტა ხნის წინ გარდაიცვალა. “კომენდანტის” აფეთქებაზე პასუხისმგებლობა პარტიზანებმა აიღეს.