ხანძარი, რომელიც ჩოხატაურთან მდებარე ტყის ფერდობზე გაჩნდა, ლიკვიდირებულია.
შეგახსენებთ, ტყე ჩოხატაურის მუნიციპალიტეტში, თხილაგანის მიმართულებით იწვოდა. სამაშველო ტექნიკამ ადგილზე მისვლა ვერ შეძლო, რის გამოც 50-ზე მეტი მაშველი, როგორც ჩოხატაურის, ასევე მეზობელი მუნიციპალიტეტების საგანგებო სიტუაციების მართვის სამსახურებიდან, რამდენიმე საათის განმავლობაში, ცოცხალი ძალებით ებრძოდნენ ხანძარს.