თბილისი-გორის ავტობანზე, ფერდობზე გაჩენილი ხანძარი ლოკალიზებულია, სალიკვიდაციო სამუშაოები, სავარაუდოდ, დღის ბოლომდე დასრულდება, – აცხადებენ საგანგებო სიტუაციების სამსახურში.
ამავე დროს, არ დაკონკრეტებულა, რა ფართობზე იყო გავრცელებული ცეცხლი და რამ გამოიწვია ხანძრის გაჩენა.
ასევე ლოკალიზებულია ხანძრის კერები ლიკანში, ტყის ფართობზე, სადაც ცეცხლი გუშინ გაჩნდა. საგანგებო სიტუაციების სამმართველოს ცნობით, მეხანძრე-მაშველები იქაც სალიკვიდაციო სამუშაოებზე არიან გადასული.