უკრაინის შეიარაღებულმა ძალებმა გაანადგურეს საოკუპაციო ძალების გადასასვლელი მდინარე დნეპრზე ნოვა კახოვკათან. დაბომბვის დროს რუს ოკუპანტებს გადაჰქონდათ ჯავშანტექნიკა და საბრძოლო მასალები ხერსონის ფრონტის მოსამარაგებლად…

2 სექტმებრის ღამეს უკრაინის არმიამ M142 Himars-ების მრავალფუქნციური ზალპური ცეცხლის რეაქტიული სისტემების GMLRS ER-ის მართვადი რაკეტების გამოყენებით დაბომბა მელიტოპოლის სამხედრო აეროდრომი, სადაც ოკუპანტებმა ბოლო პერიოდში ყირიმიდან გადაისროლეს დიდი გარკვეული რაოდენობით საარმიო(Ka-52, Mi-8, Mi-28) და საფროტო ავიაცია(ბომბდამშენები: Su-34, Su-24 და მოიერიშეები:Su-25).

უკრაინის არმია მეთოდურად ანადგურებს საოკუპაციო ძალების ლოჯისტიკური მომარაგების კვანძებს, უკრაინის არმიის მხრიდან პასუხგაუცემელი არ რჩება რუსების ყოველგვარი გადაადგილება(ყირიმიდან და მელიტოპოლიდან გადმოსროლილ საოკუპაციო ძალების კოლონებს დიდი განსაცდელი ელოდებათ…).

აღსანიშნავია, რომ საუცხოოდ მუშაობს უკრაინული დაზვერვა, ეფექტურად აწარმოებენ კონტრაბატარეულ და კორექტირებად საარტილერიო ცეცხლს ხერსონის ფრონტზე (დნეპრის დასავლეთ სანაპიროზე)…

ხერსონის ფრონტის მიმართულებაზე დიდი რაოდენობით საოკუპაციო ძალების მიზიდვა/შებოჭვა და მათი ეტაპობრივად გამოფიტვა უკრაინის გენშტაბის მიერ წარმოებული მანევრული ომის სტრატეგიის ნაწილია…

რუსლან შავაძე