დროებით ოკუპირებული აფხაზეთის დე ფაქტო მმართველი და თვითგამოცხადებული პრეზიდენტი ასლან ბჟანია აცხადებს, რომ აფხაზეთში მიწის გაყიდვის რაიმე ფორმაზე საუბარიც კი არ შეიძლება იყოს.
ასე პასუხობს აფხაზეთის მარიონეტული რეჟიმი რუსეთის პირდაპირ მოთხოვნას, მოხდეს საკონსტიტუციო ცვლილებები, რომლის თანახმადაც, ბიჭვინთის ტერიტორიის 186 ჰექტარი მიწა და საზღვაო სივრცის 115 ჰექტარი რუსეთს მფლობელობაში გადაეცემა.
“ჩვენს კონსტიტუციაში ნათლად წერია, რომ “მიწა და სხვა ბუნებრივი რესურსები არის ხალხის საკუთრება, გამოიყენება და დაცულია აფხაზეთის რესპუბლიკაში, როგორც მისი მოქალაქეების სიცოცხლისა და საქმიანობის საფუძველი”. ამდენად, აფხაზეთის რესპუბლიკაში მიწის გაყიდვის არავითარ ფორმაზე საუბარი არ შეიძლება. ეს ნორმები ურყევია და არ გადაიხედება”, – ამბობს ბჟანია, თუმცა სწორედ ბჟანია იყო ის პირი, ვინც მოსკოვში, ვლ. პუტინთან შეხვედრის დროს მას ამ მიწების გადაცემაზე, ფაქტობრივად, შეუთანხმდა.