რუსეთის თავდაცვის მინისტრი სერგეი შოიგუ, პრეზიდენტ პუტინის გადაწყვეტილებით, უკრაინაში სამხედრო მოქმედებების ხელმძღვანელობას რამდენიმე დღის წინ ჩამოაშორეს, – ინფორმაცია ომის შემსწავლელმა ამერიკულმა ინსტიტუტმაც დაადასტურა.
შოიგუს ჩამოცილება სამხედრო მოქმედებების ხელმზღვანელობიდან განპირობებული იყო ომის შენელებული ტემპითა და რუსული შენაერთების წარუმატებლობით, თუმცა ამ გადაწყვეტილების შემდეგ უკრაინაში სიტუაცია არ შეცვლილა რუსეთისთვის ხელსაყრელად, უფრო პირიქით.
ამავდროულად, უკვე სახელდება სამხედრო მაღალჩინოსანი, რომელიც სერგეი შოიგუს ჩაანაცვლებს და უკრაინაში რუსეთის არმიის მოქმედებებს კოორდინაციას გაუწევს – ეს რუსეთის ფედერაციის ეროვნული გვარდიის მთავარსარდალი ვიქტორ ზოლოტოვია.