საქართველოს მესამე პრეზიდენტის, მიხეილ სააკაშვილის სასჯელის გადავადების საკითხზე, მისმა ადვოკატებმა პოზიციები შეაჯერეს: ამ მიზნით დღეს მე-12 პენიტენციურ დაწესებულებაში შალვა ხაჭაპურიძე ნიკა გვარამიას შეხვდა.
“ძირითადად ვისაუბრეთ სასჯელის გადავადებაზე, ეს მისი წამოწყებული პროცესი იყო. გარკვეული სამართლებრივი, ტექნიკური საკითხები იყო, ეს თემები გავიარეთ. ჩვენ პოზიციებზეც ვიმსჯელეთ, რაზეც ის დაეთანხმა. ნიკა ჭკვიანი და გამოცდილი იურისტია, თავისი პოზიცია გამოხატა ამ ყველაფერთან დაკავშირებით. რაღაც საკითხები მის დროს არის დაწყებული, რაღაცები მერე დაემატა და მისთვის ეს პოზიცია მისაღებია”, – თქვა შალვა ხაჭაპურიძემ.