საღამოს ტრადიციულ ვიდეომიმართვაში უკრაინის პრეზიდენტმა განაცხადა, რომ ფრონტზე სიტუაცია ბოლო დღე-ღამის განმავლობაში, თვალშისაცემად არ შეცვლილა. 

“ამ დღეების განმავლობაში ჩვენი მებრძოლები ყველაფერს აკეთებდნენ მტრის საცეცხლე და ლოგისტიკური პოტენციალის შესამცირებლად. ვფიქრობ, ყველანი ეცნობით ახალ ამბებს ოკუპანტთა საბრძოლო მასალების საწყობებისა და ბაზების, იმ საპონტონე გადასასვლელების განადგურების შესახებ, რომლებითაც ოკუპანტები სარგებლობენ. 

და რაც უფრო წარმატებული იქნება ამ საკითხში ჩვენი არმია, უშიშროების სამსახური, დაზვერვა, მით უფრო მალე შევძლებთ შევცვალოთ უკრაინის სასარგებლოდ სიტუაცია ფრონტზე”, – თქვა ვოლოდიმირ ზელენსკიმ.

მან, ასევე, ხაზი გაუსვა, რომ ოკუპანტები ვერ შეინარჩუნებენ წართმეულ ტერიტორიებს:

“ბოლოს და ბოლოს, მათ თავად მოუწევთ ამის აღიარება, ან ისინი, უბრალოდ, აღარ დარჩებიან”, – დაამატა ქვეყნის უმაღლესმა მთავარსარდალმა.

–

გამოგვყევი “ტელეგრამზე”, იყავი მეტად ინფორმირებული, გაიგე მთავარი პირველმა