ნორვეგია და გაერთიანებული სამეფო ერთობლივად მიაწოდებენ უკრაინას მიკრო-დრონებს, რათა დაეხმარონ ქვეყანას რუსეთის წინააღმდეგ ბრძოლაში. განცხადება ამის შესახებ ნორვეგიის თავდაცვის სამინისტრომ ოთხშაბათს გააკეთა.

სამინისტროს განცხადებაში ნათქვამია, რომ ნორვეგიის Black Hornet დრონების ღირებულება,რომლის მწარმოებელიც Teledyne FLIR-ია 9,25 მილიონ დოლარამდე. დახმარების პაკეტი მოიცავს Black Hornet-ის ერთეულებს, სათადარიგო ნაწილებს, ტრანსპორტირებას და ტრენინგს. ჯარისთვის ტრენინს ბრიტანეთის ხელმძღვანელობით მოქმედი ფონდი დააფინანსებს, რაშიც წვლილი ნორვეგიამაც შეიტანა.

“დრონი გამოიყენება დაზვერვისა და მიზნების იდენტიფიცირებისთვის. ეს არის მარტივი საოპერაციო, მტკიცე, ძნელი გამოსავლენი და განსაკუთრებით კარგად შეეფერება ბრძოლას ქალაქებში”, – თქვა ნორვეგიის თავდაცვის მინისტრმა ბიორნ არილდ გრამმა.

სამინისტრომ დასძინა, რომ უკრაინამ ითხოვა ამ ტიპის აღჭურვილობა.