მას შემდეგ, რაც მოსკოვთან ახლოს, მოჟეისკის გზატკეცილზე, საკუთარ მანქანაში ააფეთქეს რუსი პროკრემლისტი ლიდერის ალექსანდე დუგინის ქალიშვილი დარია, პოლიტოლოგმა პირველი განცხადება გააკეთა და ტერაქტში “უკრაინის ნაცისტური რეჟიმი” დაადანაშაულა.
“როგორც იცით, უკრაინის ნაცისტური რეჟიმის მიერ განხორციელებული ტერაქტის შედეგად, 20 აგვისტოს, ჩემს თვალწინ მხეცურად, აფეთქების შედეგად მოკლეს ჩემი ქალიშვილი დარია.
ის მართლმადიდებელი გოგონა იყო, პატრიოტი, სამხედრო კორესპონდენტი, ცენტრალური არხების ექსპერტი, ფილოსოფოსი. მისი გამოსვლები ყოველთვის სიღრმისეული, საფუძვლიანი და თავშეკავებული იყო. ის არასდროს მოუწოდებდა ძალადობისა და ომისკენ. ის ამომავალი ვარსკვლავი იყო თავის კარიერაში.
რუსეთის მტრებმა ის მზაკვრულად მოკლეს. მაგრამ ჩვენ, ჩვენ ხალხს, ასეთი აუტანელი დარტყმებითაც ვერ გაგვტეხავენ. მათ სურთ, ჩაახშონ ჩვენი ნება ჩვენს შორის ყველაზე უკეთესების წინააღმდეგ მოწყობილი სისხლიანი ტერორით, მაგრამ ამას ვერ მიაღწევენ.
დღეს ჩვენი გულები არა მხოლოდ შურისძიების წყურვილითაა ანთებული – ეს წვრილმანი და არარუსული იქნებოდა. ჩვენ მხოლოდ ჩვენი გამარჯვება გვჭირდება – სწორედ ამაზე დადო თავისი სიცოცხლე ჩემმა უდანაშაულმა ქალიშვილმა. ასე რომ, გაიმარჯვეთ! ჩვენ მას გმირად და მოაზროვნედ ვზრდიდით. და დაე, მან ახლაც გაამხნევოს ჩვენი მამულიშვილები გმირობისთვის”, – წერს ალექსანდრე დუგინი.