გარემოს დაცვის სააგენტოს განცხადებით, 28 აგვისტომდე საქართველოში იქნება ცხელი და უმეტესად უნალექო ამინდი.
სააგენტო მოსახლეობას ტყის ხანძრების საფრთხეზე აფრთხილებს.
კერძოდ:
ჰაერის ტემპერატურა დასავლეთ საქართველოში 35, 40, სანაპირო რაიონებში 32, 37, აღმოსავლეთ საქართველოში 31, 36 გრადუსის ფარგლებშია მოსალოდნელი.
ჰაერის მაღალ ტემპერატურასთან ერთად კოლხეთის დაბლობზე, ზემო იმერეთში, შავი ზღვის სანაპირო რაიონებში, გორი-სურამის მონაკვეთზე და მთიანი რეგიონების ზოგიერთ რაიონში ძლიერი ქარიცაა მოსალოდნელი, რაც კიდევ უფრო გაზრდის ტყის ხანძრების გაჩენის რისკს.