თანამგზავრიდან გადაღებული ფოტოებით არ დასტურდება ოკუპირებულ ყირიმში, ავიაბაზა “ბელბეკის” დაზიანება, ასევე არ ჩანს დაზიანებული საფრენი აპარატები.
აშშ-ის ომის შემსწავლელი ინსტიტუტის მონაცემებით, არ არის გამორიცხული, აფეთქების შესახებ ფეიკი თავად რუსულ მხარეს გაევრცელებინა, რათა რუსეთის მოსახლეობაში პანიკა გამოეწვია, რომელსაც კრემლი სათავისოდ გამოიყენებდა – შეგახსენებთ, სწორედ რუსული არხებით გავრცელდა ინფორმაცია იმის შესახებ, რომ “ბელბეკის” თავზე უპილოტო საფრენი აპარატი ჩამოაგდეს.
“ბელბეკის” ავიაბაზაზე მომხდარი აფეთქება აქტიურად განიხილებოდა სოციალურ ქსელებში და ტელეგრამ-არხებზე, მაგრამ უკრაინას ოფიციალურად არ დაუდასტურებია ამ ავიაბაზაზე იერიშის მიტანის ფაქტი.