გაეროს გენერალური მდივანი ანტონიო გუტერეში ზაპოროჟიეს ატომური ელექტროსადგურის მიმდებარე ტერიტორიის დემილიტარიზაციას ითხოვს. მისი თქმით, ბირთვული ობიექტის ნებისმიერი პოტენციური დაზიანება თვითმკვლელობა იქნება. გუტერეშმა აღნიშნა, რომ ზაპოროჟიეს ატომური ელექტროსადგურის არეალის უსაფრთხოების უზრუნველსაყოფად სასწრაფოდ არის საჭირო შეთანხმება.
თავის მხრივ უკრაინის პრეზიდენტმა განაცხადა, რომ რუსეთმა დაუყოვნებლივ და უპირობოდ უნდა დაუშვას ატომური ენერგიის საერთაშორისო სააგენტოს წარმომადგენლები ზაპოროჟიეს ატომურ ელექტროსადგურზე და ასევე დაუყოვნებლივ და უპირობოდ გაიყვანოს თავისი ჯარები აღნიშნული ტერიტორიიდან.
უკრაინამ და რუსეთმა გუშინ განაცხადეს, რომ ქარხნის ტერიტორიაზე პროვოკაციაა მოსალოდნელი. რუსეთი უარს აცხადებს ზაპოროჟიეს ატომური ელექტროსადგურის გარშემო დემილიტარიზებული ზონის შექმნაზე.