ამ წუთებში პანიკაა სევასტოპოლში: ქალაქის თავზე უკრაინული უპილოტო საფრენი აპარატები დაფრინავენ, “როიტერი” მინიმუმ, ოთხი მძლავრი აფეთქების შესახებ იტყობინება ბელბეკის აეროდრომზე, სადაც რუსული სამხედრო თვითმფრინავების ავიაბაზა იყო განთავსებული.
ამ დრომდე უცნობია ავიაბაზის ტერიტორიაზე რუსების რამდენი საბრძოლო თვითმფრინავი იყო კონცენტრირებული.
სევასტოპოლის გუბერნატორის განცხადებით, ერთი უპილოტო საფრენი აპარატი ჰაერსაწინააღმდეგო ძალებმა ჩამოაგდეს.
პარალელურად, მინიმუმ ორ ადგილას მძვინვარებს ხანძარი უკრაინა-რუსეთის საზღვართან მყოფ რუსულ ქალაქ ბელგოროდში: რამდენიმე საათის წინ მძლავრი დეტონაცია იყო საბრძოლო მასალების საწყობის აფეთქების შემდეგ, ამ წუთებში კი ვრცელდება ვიდეო ბელგოროდიდან, სტარი ოსკოლში გაჩენილი ხანძრის კადრებით.
შეგახსენებთ, დღეს ყირიმში უკრაინის პრეზიდენტის რწმუნებულმა მოუწოდა იქ მყოფ უკრაინელებს, თავი უსაფრთხო ადგილებს შეაფარონ.
–
უფრო მეტი, უფრო მოკლე და ოპერატიული ამბების გასაცნობად, თვალი ადევნეთ ტვ ოდიშის ტელეგრამ-არხს და არ დაგავიწყდეთ გამოწერა – ჩვენ ვმუშაობთ 24/7-ზე, რათა მუდმივად იყოთ ინფორმირებული.