ხავერდოვანი სეზონი ყირიმში ცეცხლოვანი იქნება, – განაცხადა პრეზიდენტის ადმინისტრაციის მეთაურმა მიხეილო პოდოლიაკმა “24-ე არხის” ეთერში და დაამატა, რომ ЗСУ ყველა ზომას მიმართავს, რათა ყირიმის ნახევარკუნძულზე ლიკვიდირებული იყოს რუსული სამხედრო ბაზები და ხიდები.
ამას გარდა, მიხაილო პოდოლიაკმა ხაზი გაუსვა, რომ არავითარი სხვა სცენარი, გარდა რუსეთის დამარცხებისა ამ ომში, არ განიხილება:
უკრაინის პრეზიდენტის ადმინისტრაციის უფროსის თქმით, ფორმულირებები მნიშვნელოვანია:
“უნდა იყოს არა “არ მივცეთ უკრაინას დაცემის საშუალება”, არამედ “დავეხმაროთ უკრაინას გამარჯვებაში”,- წერს პოდოლიაკი.
შეგახსენებთ, გუშინ ღამით უკრაინელებმა სევასტოპოლში მდებარე ერთ-ერთი ყველაზე დიდი რუსული ავიაბაზა – ბელბეკი დაბომბეს.
გუშინ ღამით აფეთქებები დაფიქსირდა ასევე ბელგოროდში, საჰაერო განგაში იყო ქერჩში, აფეთქდა რუსული საბრძოლო მასალების საწყობები ენერგოდარსა და ნოვა კახოვკაში.
საპასუხოდ, რუსმა ოკუპანტებმა იერიში მიიტანეს ხარკოვზე, სადაც სამი რაიონი დაიბომბა, არიან დაზარალებულები. ფრთოსანი რაკეტები ისროლეს დნეპროპეტროვსკის ოლქისა და კრამატორსკის მიმართულებითაც. ღამის ორი საათისთვის სრულიად უკრაინის ტერიტორიაზე საჰაერო განგაში იყო გამოცხადებული.
–
უფრო მეტი, უფრო მოკლე და ოპერატიული ამბების გასაცნობად, თვალი ადევნეთ ტვ ოდიშის ტელეგრამ-არხს და არ დაგავიწყდეთ გამოწერა – ჩვენ ვმუშაობთ 24/7-ზე, რათა მუდმივად იყოთ ინფორმირებული.