ამ წუთებში, ლვოვში თურქეთისა და უკრაინის პრეზიდენტები, რეჯეფ თაიფ ერდოღანი და ვოლოდიმირ ზელენსკი ერთმანეთს ხვდებიან.
გავრცელებული ინფორმაციით, სწორედ დღევანდელ შეხვედრაზე შეთავაზებს თურქეთის პრეზიდენტი უკრაინელ კოლეგას პუტინთან პირისპირ მოლაპარაკებების დაწყებას. Reuters-ის ცნობით, შეხვედრის დღის წესრიგის საკითხებია ასევე მარცვლეულის ექსპორტი და ზაპორიჟიეს ატომურ ელექტროსადგურთან დაკავშირებული სიტუაცია.
ერდოღანის ოფისმა განაცხადა, რომ პრეზიდენტ ზელენსკისთან შეხვედრის დროს ასევე განიხილავს ანკარასა და კიევს შორის ორმხრივი ურთიერთობების ყველა ასპექტს.
ორმხრივი შეხვედრის შემდეგ პრეზიდენტები გაეროს გენერალურ მდივანს, ანტონიო გუტერეშს შეხვდებიან. აუდიენციის შემდეგ ლიდერები ერთობლივ პრესკონფერენციას გამართავენ.