მთავარისიახლეებიმსოფლიოიენს სტოლტენბერგი რუსეთს ზაპოროჟიეს ატომური სადგურის ტერიტორიიდან ძალების გაყვანისკენ მოუწოდებს

იენს სტოლტენბერგი რუსეთს ზაპოროჟიეს ატომური სადგურის ტერიტორიიდან ძალების გაყვანისკენ მოუწოდებს

Published on

ნატო-ს გენერალური მდივანი იენს სტოლტენბერგი რუსეთს ზაპოროჟიეს ატომური სადგურის ტერიტორიიდან ძალების გაყვანისკენ მოუწოდებს.

როგორც სტოლტენბერგმა კოსოვოს პრემიერ-მინისტრთან ერთად გამართულ პრესკონფერენციაზე განაცხადა, ზაპოროჟიეს სადგურზე შექმნილი სიტუაცია ამჟამად ერთ-ერთ ყველაზე მწვავე საშიშროებას წარმოადგენს. მან მოუწოდა რუსეთს, შეწყვიტოს ატომური სადგურის ტერიტორიის უკრაინული ძალების წინააღმდეგ სამხედრო თავდასხმების განხორციელებისთვის პლატფორმად გამოყენება.

„ერთ-ერთი ყველაზე მწვავე საშიშროება, რომლის წინაშეც ჩვენ ყველა ვართ, ახლა არის ბირთვული ელექტროსადგურის გარშემო შექმნილი სიტუაცია ზაპოროჟიეში, სადაც რუსეთის სამხედრო დანაყოფებს რამდენიმე თვეა, დაკავებული აქვთ ობიექტი და აკონტროლებენ მას. ახლა ისინი ბირთვული სადგურის გარშემო ტერიტორიას იყენებენ პლატფორმად უკრაინულ ძალებზე საარტილერიო თავდასხმების განსახორციელებლად და ეს არის უგუნური და უპასუხისმგებლო ქმედება. ეს მხოლოდ ხაზს უსვამს ატომური ენერგიის საერთაშორისო სააგენტოს საერთაშორისო ინსპექტორების დაშვების მნიშვნელობას. ეს ასევე აჩვენებს, რომ მნიშვნელოვანია, რუსეთმა გაიყვანოს თავისი ძალები და არ გამოიყენოს ბირთვული ელექტროსადგური და მის გარშემო ტერიტორია უკრაინის წინააღმდეგ სამხედრო თავდასხმების განსახორციელებელ პლატფორმად“, – განაცხადა სტოლტენბერგმა.

შეგახსენებთ, მიმდინარე კვირის დასაწყისში უკრაინულ „ენერგოატომში“ განაცხადეს, რომ ზაპოროჟიეს ატომურ ელექტროსადგურზე რუსეთის თავდასხმის შედეგად, ერთ-ერთი ენერგობლოკი გაითიშა.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...