სერბეთმა უარი განაცხადა რუსეთის ბაზებზე და NATO-სთან თანამშრომლობის გააქტიურებას აპირებს. “კომერსანტი” ამ დასკვნამდე ქვეყნის პრეზიდენტის ალექსანდრე ვუჩიჩის განცხადების შემდეგ მივიდა, რომელმაც ქვეყნის ნეიტრალიტეტის შესახებ განცხადება გააკეთა.
კონკრეტულად, საუბარია სერბიის სამხრეთით მდებარე ბუიანოვაცის მიმდებარედ განთავსებულ ბაზაზე და ამ ბაზაზე ერთობლივად ჩასატარებელ სამუშაოებზე, რომელსაც სერბეთის ხელისუფლება პენტაგონთან ათანხმებს.
ვაშინგტონი და ბელგრადი აპირებენ, განავითარონ “სამხრეთად” წოდებული ეს ბაზა ისე, რომ ის გახდეს “სერბეთის არმიის ნატოს სტანდარტებით გაწვრთნის ცენტრი, რათა სერბული დანაყოფები სამშვიდობო ოპერაციისთვის მოემზადონ.
გასულ კვირას სერბეთის პრეზიდენტმა ვუჩიჩმა განაცხადა, რომ რესპუბლიკა აღარ განათავსებს ქვეყნის ტერიტორიაზე სხვა ქვეყნის ბაზებს: “სერბეთს არ სჭირდება ქვეყანაში რომელიმე უცხო ქვეყნის ბაზა, რომელიც არ უნდა იყოს ეს”, – თქვა მან.
შეგახსენებთ, 8 აგვისტოს, ბელგრადში რუსეთის ელჩმა ალექსანდრე ბოცან-ხარჩენკომ მიანიშნა, რომ შესაძლოა, სერბეთში ერთობლივი რუსულ-სერბული ბაზა შექმნილიყო.