ზალპური ცეცხლის რეაქტიული სისტემა HIMARS-ის ხშირი და ზუსტი გამოყენების შედეგების შესახებ ანგარიშს სულ უფრო მეტად ვხვდებით უკრაინულ მედიასაშუალებებსა და ოფიციალურ ცნობებში ამა თუ იმ ფრონტის სხვადასხვა მონაკვეთიდან. ასეთი ანგარიშები ყველაზე ხშირია სამხრეთის ფრონტიდან.

დროებით ოკუპირებულ ქალაქ მელიტოპოლში არსებული მდგომარეობის შესახებ წერს ქალაქის უკრაინული ადმინისტრაციის მეთაური ივან ფიოდოროვი:

“წინასწარი ინფორმაციით, მელიტოპოლში განადგურებულია საბრძოლო ტექნიკის მნიშვნელოვანი ნაწილი. 100-ზე მეტი რუსი ჯარისკაცი, რომლებიც ღამეს ათევდნენ დროებით ყაზარმებში, კობზონის კონერტზეა გაგზავნილი*, ხოლო მათი ოჯახის წევრები უკვე “ლადას” ფერს არჩევენ**”, – დაწერა ფიოდოროვმა.

• – * “კობზონის კონცერტზე გაგზავნა” – ამ დამცინავი ფრაზით უკრაინელები და მათი საშუალო და მეტი ასაკის მხარდამჭერები რუსი ოკუპანტის მოკვლას აღნიშნავენ. იქედან გამომდინარე, რომ წლების წინ გარდაიცვალა ცნობილი რუსი მომღერალი, კრიმინალებთან დაახლოებული და მაფიოზურ-სამხედრო რეპერტუარის მქონე იოსიფ კობზონი, მიჩნეულია, რომ ის “ზეციურ რუსეთში” ყოველდღიურად ატარებს კონცერტებს, ხოლო კონცერტის ანშლაგზე და რუსი ოკუპანტებისთვის ბილეთების “შესაძენად” უკრაინის შეიარაღებული ძალები ირჯება. “გაგზავნილია კობზონის კონცერტზე”, “გაკობზონებულია” და მომღერლის გვართან დაკავშირებული სხვა სიტყვათწარმოქმნა სწორედ ამ პროცესს აღნიშნავს.

** – “ლადას” ფერს არჩევენ”, – ფრაზა გაჩნდა მას შემდეგ, რაც რუსეთის ერთერთ ცენტრალურ ტელეარხზე გავიდა სიუჟეტი იმის შესახებ, როგორ იყიდა უკრაინაში მოკლული რუსი ჯარისკაცის მამამ მიღებული ფულადი კომპენსაციით “ლადა” და განაცხადა, რომ მისი შვილი სწორედ ასეთ მანქანაზე ოცნებობდა.

შეგახსენებთ, მხოლოდ ბოლო ერთი კვირის განმავლობაში, უკრაინელებმა “ჰაიმარსის” რაკეტებით 17 ბაზა და 21 საწყობი გაანადგურეს და რამდენიმე ხიდი დააზიანეს.

–

შეგახსენებთ, ჩვენს ტელეგრამ–პლატფორმაზე – TV ოდიში – უკრაინა Live” – სწორი, საჭირო, ოპერატიული, საინტერესო მასალებით  ვუპირისპირდებით რუსულ პროპაგანდას. გამოიწერეთ ჩვენი არხი და თვალყური ადევნეთ სიახლეებს, ერთად ვიყოთ ინფორმირებულნი:

https://t.me/tvodishi