უკრაინაში რუსეთის სამხედრო აგრესიას უკვე 359 ბავშვი ემსხვერპლა, დაშავდა 700-ზე მეტი

0
208

რუსეთის სამხედრო აგრესიის შედეგად უკრაინაში უკვე 359 ბავშვია დაღუპული, 700-ზე მეტი კი დაშავდა. ინფორმაციას უკრაინის გენერალური პროკურატურა ავრცელებს.

უწყების ცნობით, ყველაზე მეტი ბავშვი დაზარალდა დონეცკის რეგიონში – 371, ხარკოვის ოლქში – 195, კიევის ოლქში – 116, ჩერნიგოვის ოლქში – 68, ლუგანსკის ოლქში – 61, ნიკოლაევის ოლქში – 57, ხერსონის ოლქში – 54, ზაპოროჟიეს ოლქში – 40.

რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 2 221 სასწავლო დაწესებულება, საიდანაც 230 სრულად განადგურდა.

აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

წინა სტატიათხილის მკრეფავების აქცია ზუგდიდში
შემდეგი სტატიადღეს უკრაინის პორტებიდან 3 სიმინდით დატვირთული გემი გავა
ტელეკომპანია ოდიშის საინფორმაციო სამსახური