ჩინეთმა, ტაივანში ვიზიტის გამო, ნენსი პელოსისა და მის ოჯახს სანქციები დაუწესა

0
48

შეერთებული შტატების წარმომადგენლობითი პალატის სპიკერს, ნენსი პელოსისა და მის ოჯახს ჩინეთმა სანქციები დაუწესა. ინფორმაციას Bloomberg ავრცელებს და წერს, რომ ოფიციალურმა პეკინმა ეს გადაწყვეტილება პელოსის ტაივანში ვიზიტის გამო მიიღო.

ქვეყნის საგარეო საქმეთა სამინისტროს განცხადებაში ნათქვამია, რომ ნენსი პელოსიმ ჩინეთის შეშფოთება, რომელიც მის ტაივანში კუნძულს შეეხებოდა, უგულებელყო. აქვე, წერია, რომ პელოსის ვიზიტი პროვოკაციული იყო, რაც “ძირს უთხრის ჩინეთის სუვერენიტეტსა და ტერიტორიულ მთლიანობას”.

ჩინეთის მუქარის მიუხედავად, აშშ-ის წარმომადგენელთა პალატის სპიკერი ნენსი პელოსი და კონგრესმენები ტაივანში 2 აგვისტოს ჩავიდნენ. ეს იყო პირველი შემთხვევა ბოლო 25 წლის განმავლობაში, როდესაც ასეთი მაღალი რანგის ამერიკელი პოლიტიკოსი კუნძულოვან სახელმწიფოს ესტუმრა.

ნენსი პელოსი ტაივანის პრეზიდენტს შეხვდა და განაცხადა, რომ აშშ ტაივანს არ მიატოვებდა. ტაივანის პრეზიდენტმა კი მას აშშ-ის მხარდაჭერის გამო მადლიერების გამოსახატად ქვეყნის ერთ-ერთი მთავარი სამოქალაქო ჯილდო გადასცა.

ნენსი პელოსიმ ტაივანი 3 აგვისტოს დატოვა. ტაივანის პრეზიდენტმა Twitter-ზე დაწერა, რომ პელოსის ვიზიტი მსოფლიოს უგზავნის სიგნალს, რომ “დემოკრატები ერთად დგანან” საერთო გამოწვევების წინაშე.

ცნობისთვის, ტაივანს პეკინი თავის სუვერენულ ტერიტორიად მიიჩნევს, რის გამოც სი ძინპინის მთავრობამ ვაშინგტონი ორჯერ გააფრთხილა, რომ პელოსის იქ ვიზიტს მძიმე შედეგები მოჰყვებოდა.

წინა სტატიანიკოლაევი ორი დღით იკეტება და კომენდანტის საათი ცხადდება
შემდეგი სტატიასკანდალი: საქართველოს გავლით, რუსეთის ქალაქ ბელგოროდისკენ საწვავმზიდებს ატარებენ [VIDEO]
ტელეკომპანია ოდიშის საინფორმაციო სამსახური