“რუსეთის ომი უკრაინასთან ამჟამინდელ მსოფლიო წესრიგზე თავდასხმაა” – ამის შესახებ NATO-ს გენერალური მდივანი იენს სტოლტენბერგი საუბრობს. როგორც მან სამშობლოში, ნორვეგიაში სიტყვით გამოსვლისას განაცხადა, რუსეთს უკრაინაში გამარჯვების ნება არ უნდა მიეცეს.
“ჩვენს ინტერესებშია, აგრესიული პოლიტიკის ასეთმა ფორმამ წარმატებას ვერ მიაღწიოს… ჩვენს ინტერესებშია, რომ პუტინმა უკრაინაში ომი არ მოიგოს“, – თქვა მან.
სტოლტენბერგმა ევროპაში არსებული ვითარება შეაფასა და განაცხადა, რომ ეს მეორე მსოფლიო ომის შემდეგ ყველაზე სახიფათოა. მისივე თქმით, თუ პუტინი მსგავს ქმედებას NATO-ს წევრი რომელიმე ქვეყნის მიმართ ჩაიდენს, პასუხს მთელი ალიანსი გასცემს.