თავდაპირველად, გავაანალიზოთ, რატომ წარმოიშვა კონფლიქტი სერბეთსა და კოსოვოს შორის და რა ხდება საერთოდ:

კოსოვოს ჩრდლოეთი ეთნიკური სერბებითაა დასახლებული, ისინი სერბულ ვალუტას იყენებენ, აქვთ სერბეთის მოქალაქეობა.

კოსოვოს ხელისუფლებამ განაცხადა, რომ 1 აგვისტოდან აღარ აღიარებენ სერბულ პირად დოკუმენტებსა და ავტომანქანების რეგისტრაციას, ამის შესახებ კოსოვომ განცხადება 5 წლის წინ გააკეთა.

სერბეთის პრეზიდენტი ვუჩიჩი მიიჩნევდა, რომ 31 ივლისის ღამეს კოსოვო დაიწყებდა სამხედრო ოპერაციას ეთნიკური სერბების წინააღმდეგ, ქვეყნის ჩრდილოეთ ნაწილში, რათა ისინი დოკუმენტების გადაფორმებაზე დაეყოლიებინა.

კოსოვოს ჩრდილოეთისკენ პოლიციის სპეცრაზმი დაიძრა, სერბეთის სამხრეთისკენ კი სერბეთის არმია. იუწყებიან დახურულ საკონტროლო-გამშვებ პუნქტზე სროლის შესახებ.

ოსოვოში ნატო+ ფორმატის ძალებმა გამოაცხადეს მობილიზება და განაცხადეს, რომ თუ ქვეყნის სტაბილურობას საფრთხე დაემუქრება, კონფლიქტში ჩაერევიან.

სერბეთის პრეზიდენტი არმიის გენშტაბის შენობაში მივიდა და მოლაპარაკებებს აწარმოებდა ნატო+ ძალებთან.

ამის შედეგად, დაძაბულობა კოსოვო-სერბეთის კუთხით, მინიმუმ, 1 სექტემბრამდე განიმუხტა. აშშ-ის თხოვნის შემდეგ, კოსოვოს ხელისუფლებამ მიიღო გადაწყვეტილება, 1 სექტემბრამდე გადადოს სერბული პასპორტებისა და ავტომანქანების რეგისტრაციის დოკუმენტების შეცვლის პროცესი კოსოვოს ჩრდილოეთში, რაც 1 აგვისტოდან უნდა დაწყებულიყო და რაც, ფაქტობრივად, კონფლიქტის დაწყების საბაბი გახდა.

სერბეთის პრეზიდენტმა ვუჩიჩმა უკვე მიმართა მოსახლეობას და იმედი გამოთქვა, რომ დილიდან სიტუაცია დასტაბილურდება. ასევე ვუჩიჩმა მადლობა გადაუხადა რუსეთის პრეზიდენტს მხარდაჭერისთვის.