არასამთავრობოებმა “მამხილებლის” მიერ გადაცემული, ხმების მობილიზების მასშტაბური სქემის დეტალები გაასაჯაროვეს

0
56
არასამთავრობო ორგანიზაციებმა “მამხილებლის” მიერ გადაცემული, მმართველი პარტიისთვის არჩევნებზე ხმების მობილიზების მასშტაბური გეგმა წარმოადგინეს – “მამხილებელი” სოსო გოგაშვილია.
“საერთაშორისო გამჭვირვალობა-საქართველომ” და სხვა არასამთავრობო ორგანიზაციებმა გაასაჯაროვეს სუს-ის ყოფილი მაღალჩინოსნის სოსო გოგაშვილის მიერ გადაცემული ფაილები, რომლებიც კონკრეტულ ელექტრონულ მისამართებზე, სახელმწიფო უწყებებში 2018 წლის წინასაარჩევნო პერიოდში გაგზავნილი წერილებია კონკრეტული სიებით, რითაც, არასამთავრობოების განცხადებით, მმართველი პარტიის სასარგებლოდ ხმების მობილიზება ხდებოდა.
აღინიშნა, რომ სიები იგზავნებოდა შსს-ს მაღალჩინოსნებთან, ასევე იუსტიციის სამინისტროში და ისინი შეიცავდა მსჯავრდებულთათვის სასჯელის შემსუბუქების, მართვის მოწმობის აღდგენის, მეწარმეებისთვის საგადასახადო დავალიანების რესტრუქტურიზაციის რეკომენდაციებს, ასევე საჯარო სექტორში დასაქმებული ადამიანების პირად მონაცემებს.
არასამთავრობოები აცხადებენ, რომ ხმების მობილიზების მასშტაბური გეგმა გაშიფრულია და ხელისუფლებას ამ ფაილების საფუძველზე გამოძიება უნდა დაიწყოს.
წინა სტატიააშშ-მა რუსეთი ადამიანებით მოვაჭრე ქვეყნების სიაში შეიყვანა
შემდეგი სტატიარუსმა ოკუპანტებმა უკრაინაში უკვე 39 000 ჯარისკაცი დაკარგეს
ტელეკომპანია ოდიშის საინფორმაციო სამსახური