ზუსტად ერთი წელი გავიდა დღეს, 5 ივლისს მას შემდეგ, რაც თბილისში, ჰომოფობიური, ძალადობრივი და პრორუსული ჟგუფების სამიზნე “თბილის პრაიდის” ოფისი, ქვიარ-ადამიანები და ჟურნალისტები გახდნენ. 

მედიასაშუალებების წარმომადგენლებმა, რომლებიც ადგილზე საკუთარ პროფესიულ მოვალეობას ასრულებდნენ, სხვადასხვა სახის დაზიანება მიიღეს. მათ ნაწილს სასწრაფო ჰოსპიტალიზაციაც დასჭირდა. ჰომოფობიური და მოძალადე ჯგუფები, მედიის წარმომადგენლებს სასტიკად უსწორდებოდნენ.

ამ დღეს დაზიანებები მიიღო და 11 ივლისს გარდაიცვალა ტვ პირველის ოპერატორი ლექსო ლაშქარავა. 

ვითარების განმუხტვა პოლიციის ეკიპაჟებით გახდა შესაძლებელი. სამართალდამცველებმა ჟურნალისტები ადგილიდან პატრულის მანქანებით განარიდეს. აქციის მონაწილეებმა დაარბიეს “სირცხვილიას” ოფისიც.

რუსთაველის გამზირზე, მედიასაშუალებების წარმომადგენელთა მიმართ განხორციელებულ ძალადობრივ ქმედებებზე და პროფესიულ საქმიანობაში ხელის შეშლის ფაქტებზე გამოძიება დაიწყო, საერთო ჯამში კი 5 ივლისის საქმეს, 31 ბრალდებული და 57 დაზარალებული ჰყავს.

–

გამოიწერეთ ჩვენი ტელეგრამ-არხი და მიადევნეთ თვალი მოკლე, ოპერატიულ, მუდმივად განახლებულ ცნობებს უკრაინიდან და არამარტო უკრაინიდან:

https://t.me/tvodishi