ქვეყანაში ეპიდემიოლოგიური მდგომარეობის გაუარესების მიზეზად მედიკოსები გაზრდილ მობილობას ასახელებენ.
ექიმების განცხადებით, ომიკრონის ქვეტიპი, რომელიც ახლა ცირკულირებს, კლინიკურად მსუბუქი მიმდინარეობით ხასიათდება, თუმცა სახიფათოა რისკჯგუფში შემავალი პირებისთვის, ახალი ქვეტიპის მთავარი მახასიათებელი კი სწრაფი გადამდებობაა.
მედიკოსები მოსახლეობას კვლავ სიფრთხილისკენ მოუწოდებენ და ახსენებენ, რომ კორონავირუსის საწინააღმდეგო აცრა კვლავ რეკომენდაციად რჩება, ამასთან, ახალი რეგულაციებით, თუ ბოლო ბუსტერ-აცრიდან 4 თვეზე მეტია გასული, 50+ ასაკის ადამიანებს შეუძლიათ დამატებითი დოზით აიცრან. ეს რეგულაცია და რეკომენდაცია, ასაკობრივ ჯგუფთან ერთად, ქრონიკული დაავადების მქონეებზეც ვრცელდება.
–
გამოიწერეთ ჩვენი ტელეგრამ-არხი და მიადევნეთ თვალი მოკლე, ოპერატიულ, მუდმივად განახლებულ ცნობებს უკრაინიდან და არამარტო უკრაინიდან:
https://t.me/tvodishi