დღეს გავრცელდა ინფორმაცია, რომ კუნძულ ზმეინნიზე, რომელიც რუსი ოკუპანტების მიერ იყო ოკუპირებული და იძულებულნი გახდნენ, დაეტოვებინათ, უკრაინის მხრიდან მასობრივი დაბომბვის გამო, უკრაინის სახელმწიფო დროშა აღიმართა.
როგორც ირკვევა, კუნძულზე უკრაინელი ჯარისკაცები და მესაზღვრეები ჯერ არ გადაუსხამთ, მაგრამ ოკუპანტებისგან თავისუფალ კუნძულზე, სიმბოლურად, დროშა ვერტმფრენიდან ჩააგდეს, ხოლო ის ფოტო, რაც გავრცელდა, ომამდეა გადაღებული, როცა უკრაინელები კუნძულზე იმყოფებნოდნენ.
შეგახსენებთ, სწორედ კუნძულ ზმეინნის უკავშირდება ცნობილი ფრაზა რუსულ სამხედრო ხომალდზე, რომელიც კრეისერი “მოსკვა” აღმოჩნდა. მაშინ მესაზღვრეთა უკრაინული გარნიზონის წევრები ტყვედ აიყვანეს, რამდენიმე თვის შემდეგ კი ისინი ოჯახებს დაუბრუნდნენ. ორი მათგანი ვოლოდიმირ ზელენსკიმ დააჯილდოვა.
–
გამოიწერეთ ჩვენი ტელეგრამ-არხი და მიადევნეთ თვალი მოკლე, ოპერატიულ, მუდმივად განახლებულ ცნობებს უკრაინიდან და არამარტო უკრაინიდან:
https://t.me/tvodishi