მთავარიUncategorizedსაქართველოს ევროპული გზა დაიწყო სააკაშვილის პრეზიდენტობის დროს - ევროპარლამენტარი

საქართველოს ევროპული გზა დაიწყო სააკაშვილის პრეზიდენტობის დროს – ევროპარლამენტარი

Published on

ევროპარლამენტის წევრი სახალხო პარტიიდან მირიამ ლექსმანი სიცრუეს უწოდებს პრემიერ ღარიბაშვილისა და ოცნების ხელისუფლების წარმომადგენლების მესიჯბოქსს, რომ ქართველი ოპოზიციონერები “ყველაფერს აკეთებდნენ” ქვეყანას არ მიეღო ევროკავშირის კანდიდატის სტატუსი.

ლექსმანი ამბობს, რომ საქართველოს ევროპული გზა პრეზიდენტ სააკაშვილის დროს დაიწყო და ახლა, როცა ქვეყანას ოლიგარქი მართავს, ეს დემოკრატია არ არის.

“ეს არის აბსოლუტური სიცრუე. ოპოზიციის ლიდერები საქართველოდან, მოგვმართავდნენ და გვთხოვდნენ დახმარებას, რომ ქვეყანას ევროპული გზით ევლო. ეს გზა დაიწყო სააკაშვილის პრეზიდენტობის დროს და ვიმედოვნებ, რომ საქართველო ისევ დაუბრუნდება ამ გზას, რადგან საქართველოს დღევანდელი მთავრობა არ ასრულებს კრიტერიუმებს, რაც ქვეყანას სჭირდება კანდიდატის სტატუსის მისაღებად. რა თქმა უნდა, დებატები ისევ გრძელდება, ნაგრამ პრობლემა ისაა რომ ჩვენ ვხედავ, საქართველომ ბევრი კუთხით გადაუხვია ევროპულ გზას და მნიშვნელოვანია დავეხმაროთ მას, დაუბრუნდეს ამ გზას, რადგან გვესმის, რომ ქართველი ხალხი მართლაც ოცნებობს გახდეს ევროპული ოჯახის ნაწილი, თუმცა ვერ გადავუხვევთ პირობებს და ხელშეკრულებებს, რომელშიც წერია, რა პირობები უნდა შეასრულოს ქვეყანამ რომ მიიღოს კანდიდატის სტატუსი და დაიწყოს მოლაპარაკებები ევროკავშირთან.” ამბობს ევროდეპუტატი.

ლექსმანის თქმით, დეოლიგარქიზაცია არის მთავარი პირობა არამხოლოდ წევრობისთვის, არამედ ფუნქციური დემოკრატიისთვის და ივანიშვილის ჩარევა პოლიტიკაში სანქციების საფუძველი უნდა გახდეს:

“აშკარად ვხედავთ, რომ ოლიგარქია მნიშვნელოვან როლს ასრულებს პოლიტიკაში, ეს არასწორია. ასეთი რამ დემოკრატიულ ქვეყანაში არ უნდა ხდებოდეს. ვხედავთ პოლიტიკაზე ყოფილი პრემიერმინისტრის, ივანიშვილის გავლენას და ეს მიუღებელია. ევროპარლამენტის ბოლო რეზოლუციაში მკაფიოდ ვთქვით, რომ ევროკავშირის წევრმა ქვეყნებმა უნდა შეისწავლონ საკითხები და ის, როგორც ეს ადამიანი ერევა პოლიტიკაში, სანქციების საფუძველი უნდა გახდეს. დეოლიგარქიზაცია არის მთავარი პირობა არამხოლოდ წევრობისთვის, არამედ ფუნქციური დემოკრატიისთვის, ჯანსაღ საზოგადოებაში სასიცოცხლოდ მნიშვნელოვანია, რომ ოლიგარქები დემოკრატიულ პროცესებში არ ერეოდნენ” ამბობს ევროპარლამენტარი.

სიახლეები

ჩვენი არჩევანი ბოიკოტია,წალენჯიხის მუნიციპალიტეტის მერია

    ჩვენი არჩევანი ბოიკოტია, ჩვენი პოზიცია შეუცვლელია. ამ რთულ და გადამწყვეტ ისტორიულ ეტაპზე, როდესაც ქართული...

საბა ბუაძე ლელოს პოლიტსაბჭოს და თბილისის ორგანიზაციის თავმჯდომარის პოსტს ტოვებს

საბა ბუაძე ლელოს პოლიტსაბჭოს და თბილისის ორგანიზაციის თავმჯდომარის პოსტს ტოვებს - გადაწყვეტილება კოალიციის ადგილობრივ...

4%-იანი ლელო რას იზამს ნამდვილად არ განსაზღვრავს საქართველოს ბედს! ხოშტარია

ძალიან კარგია სიცხადე! 4-პროცენტიანი ლელო რას იზამს ნამდვილად არ განსაზღვრავს საქართველოს ბედს! სუსტები არიან თუ მოღალატეები...

კოალიცია “ძლიერი საქართველო” თვითმმართველობის არჩევნებში მონაწილეობას მიიღებს

"ლელო-ძლიერი საქართველო" თვითმმართველობის არჩევნებში მიიღებს მონაწილეობას - ამის შესახებ განცხადება პარტიის ოფისში გამართულ საგანგებო...