რა უნდა ვიცოდეთ ომის 120-ე დღეს: სად რა ხდება უკრაინის ფრონტებზე

0
36

22-23 ივნისის შუალედში, დღე-ღამის განმავლობაში, რუსული შენაერთების მასობრივ შეტევებს უკრაინის ზოგიერთ ნაწილში, ნაწილობრივი წარმატება მოჰყვა.

აშშ-ის ომის შემსწავლელი ინსტიტუტის ცნობით, რუსულმა შენაერთებმა რამდენიმე წარმატებული შეტევა განახორციელეს სევეროდონეცკის სამხრეთ-აღმოსავლეთ ნაწილისკენ, საფრთხეშია ლისიჩანსკი, რომელსაც არტილერიის მეშვეობით უტევენ.

რუსული შენაერთები აგრძელებენ ლისიჩანსკი-ბახმუტის გზატკეცილის განაპირა დასახლებული პუნქტების შტურმს.

სევეროდონეცკში მიმდინარე შეტაკებების გამო იზიუმი-სლავიანსკის მიმართულებით რუსული შენაერთების შეტევები გაჭიანურდა.

რუსულმა შენაერთებმა, დიდი ალბათობით, მოიგერიეს უკრაინის შეტევები მდინარე ინგულეცის აღმოსავლეთ ნაპირზე, რომელიც ხერსონი-მიკოლაევის ადმინისტრაციულ საზღვართან უშუალო სიახლოვეს მდებარეობს.

ამავდროულად, უკრაინელებს წარმატებული მონაკვეთიც აქვთ ხერსონის მიმართულებაზე, სადაც დივერსიულმა-სადაზვერვო ჯგუფებმა წინ წაიწიეს და მათი ნაწილი წუხელ ხერსონშიც შევიდა. 

უკრაინელებმა ისევ დაარტყეს ოკუპირებულ კუნძულ ზმეინნის, სადაც გაანადგურეს მტრის სარაკეტო კომპლექსი. ხანძარს მთელი ღამის განმავლობაში აქრობდნენ და მისი ლოკალიზება მხოლოდ გამთენიისას მოახერხეს. 

წინა სტატია“აზოვსტალის” ტყვეთა ნაწილი სახლში მალე დაბრუნდება – უკრაინის დაზვერვა
შემდეგი სტატიაპოლიტპატიმრების გათავისუფლების შემთხვევაში საქართველოს აქვს შანსი და მიიღებს კანდიდატის სტატუსს – გიორგი ჩალაძე
ტელეკომპანია ოდიშის საინფორმაციო სამსახური