კლინიკა “ვივამედში” დღეს საქართველოს მესამე პრეზიდენტის მოსანახულებლად პოლონეთის პარლამენტის თავმჯდომარის მოადგილე მივა.
ჯერჯერობით უცნობია, შეუშვებენ თუ არა მალგოჟატა გოშევსკას მიხეილ სააკაშვილთან.
აღსანიშნავია, რომ პოლონეთის ხელისუფლება მზად არის, გადაიყვანოს მიხეილ სააკაშვილი და იზრუნოს მის გამოჯანმრთელებაზე.
პოლონეთის პარლამენტის ვიცე-სპიკერი საქართველოში ვიზიტის ფარგლებში ხელისუფლების წარმომადგენლებსაც შეხვდება და შეეცდება დაარწმუნოს ისინი, რომ მესამე პრეზიდენტს პოლონეთში სამკურნალოდ გამგზავრების საშუალება მისცენ.
“ძალიან ცნობილი პოლიტიკური მოღვაწეა ეს ქალბატონი [მალგოჟატა გოშიევსკა], დამსახურებული, გავლენიანი. რა თქმა უნდა, ერთ-ერთი ძირითადი საკითხი [შეხვედრებისას] იქნება ჩემი შვილის საკითხი“, – თქვა მესამე პრეზიდენტის დედამ, გიული ალასანიამ.