მარიუპოლში, მასობრივ საფლავებში 20-22 ათასი ადამიანია დაკრძალული – ინფორმაციას მარიუპოლის მერის მრჩეველი, პეტრ ანდრიუშენკო ავრცელებს.
როგორც ის ამბობს, ჯერ კიდეც უცნობია, რამდენი ადამიანის ცხედარია ნანგრევების ქვეშ.
“ჩვენი შეფასებით, დაახლოებით 20-22 ათასი ადამიანია დაკრძალული მასობრივ საფლავებში. ასევე, უცნობია, კიდევ რამდენია ნანგრევების ქვეშ”, – განაცხადა ანდრიუშჩენკომ.
გარდა ამისა, მან აღნიშნა, რომ ოკუპანტების მთელი სამედიცინო სისტემა, რომელიც მარიუპოლში მოქმედებს, დღეში უფრო ნაკლებ ადამიანს ემსახურება, ვიდრე ერთი თერაპიული განყოფილება ემსახურებოდა ომამდე პერიოდში.
“ეს ყველაფერი ამბობს, რომ უბრალოდ არ არსებობს სამედიცინო სისტემა. არ არის წამალი, არ არის აღჭურვილობა”, – თქვა პეტრ ანდრიუშჩენკომ.