რუსმა ოკუპანტებმა დნეპროპეტროვსკის ოლქის ქალაქ აპოსტოლოვოზე სარაკეტო იერიში მიიტანეს.
ქალაქის მერის, ანდრეი ოსას ინფორმაციით, დაბომბვას მსხვერპლი მოჰყვა.
“დაახლოებით 3 საათის წინ აპოსტოლოვოს მტერმა “ურაგანებიდან” ესროლა. გარდაცვლილია 4 ადამიანი”, – თქვა მან.
მერმა მოსახლეობას სიფრთხილისკენ მოუწოდა და სთხოვა, ქალაქში ლითონის ნივთებს არ შეეხონ.
დნეპროპეტროვსკის გუბერნატორის, ვალენტინ რეზნიჩენკოს ცნობით, ოთხივე დაღუპული კაცი იყო. მისივე თქმით, დაბომბვისას კიდევ ერთი ადამიანი დაიჭრა.
“დაშავებული საავადმყოფოშია. ქალაქში დაზიანებულია ათობით სახლი და საავადმყოფო. დაბომბვისას მტერმა კასეტური ბომბები გამოიყენა”, – თქვან რეზნიჩენკომ.
აპოსტოლოვოში საგანგებო სიტუაციების მართვის სამსახურის და პოლიციის თანამშრომლები ამ დრომდე მუშაობენ.