უკრაინა აცხადებს, რომ აგრძელებენ სევეროდონეცკიდან მშვიდობიანი მოქალაქეების ევაკუაციას, მწვავე ბრძოლისას დროებითი სიმშვიდის პერიოდებში.
რეგიონული სამხედრო ადმინისტრაციის ხელმძღვანელმა განაცხადა, რომ სამი მთავარი ხიდიდან მესამეც გაუვლად მიიჩნევა რუსეთის თავდასხმის შედეგად. მიუხედავად ამისა, ხელისუფლება აცხადებს, რომ მათ ჯერ კიდევ აქვთ გზები ქალაქში შესვლისა და გასვლისთვის.
“ქალაქთან დაკავშირების გზები საკმაოდ რთულია, მაგრამ ისინი არსებობს”, – განუცხადა უკრაინულ ტელევიზიას სევეროდონეცკის სამხედრო ადმინისტრაციის ხელმძღვანელმა ალექსანდრე სტრუიკმა.
სევეროდონეცკში აზოტის ქიმიურ ქარხანას 500-ზე მეტი მშვიდობიანი მოქალაქე აფარებს თავს. რუსეთი ამ დრომდე ცდილობს ლისიჩანსკი და სევეროდონეცკი ალყაში მოაქციოს.