უკრაინის დროებით ოკუპირებული ტერიტორიების რეინტეგრაციის სამინისტროს ინფორმაციით, უკრაინამ აზოვსტალის მცველების კიდეც 64 ცხედარი დაიბრუნა.
უწყების ცნობით, დაღუპულთა ცხედრები უკრაინამ და რუსეთმა, ზაპოროჟიეს რაიონში გაცვალეს.
“უკრაინამ აზოვსტალის 64 გმირი დამცველის ცხედარი ღირსეულად დაკრძალვისთვის დააბრუნა, დაღუპული უკრაინელი ჯარისკაცების ცხედრების დაბრუნების პროცესი გრძელდება. ის ჟენევის კონვენციის ნორმების შესაბამისად მიმდინარეობს” – წერია უწყების განცხადებაში
გაცვლის ოპერაციას უკრაინის დროებით ოკუპირებული ტერიტორიების რეინტეგრაციის სამინისტრო, მემორანდუმი, შეიარაღებული ძალების გენერალური შტაბი და სხვა სამართალდამცავი უწყებები აწარმოებდნენ.