ომის 111-ე დღეს მძიმე ვითარებაა უკრაინის აღმოსავლეთ ფრონტის ხაზზე. ოკუპანტებმა ინტენსიური საჰაერო იერიშები მიიტანეს ქალაქ ლისიჩანსკზე, რასაც 6 წლის ბავშვი ემსხვერპლა. განადგურებულია საავადმყოფო და ჰუმანიტარული დახმარების ცენტრი. ქუჩის ბრძოლები გრძელდება ლუგანსკის ოლქის ქალაქ სევეროდონეცკშიც. ოლქის გუბერნატორის, სერგეი გაიდაის განცხადებით, მტერი ქალაქის უდიდეს ნაწილს აკონტროლებს. ამასთან, უახლოესს დღეებში ლისიჩანსკზე, სევეროდნეოცკზე და ბახმუტზე მასშტაბური იერიშების დასაწყებად ემზადება.
მსხვერპლით დასრულდა მტრის მიერ ხარკოვის ოლქის დასახლებული პუნქტების დაბომბვა. იერიშების დროს 1 ადამიანი დაიღუპა. 5 კი მძიმედ დაიჭრა. დაჭრილებს შორის 3 ბავშვია, მათ შორის ერთ-ერთი კი 3 თვის , რომელიც ინტენსიური თერაპიის განყოფილებაშია მოთავსებული.