მიხეილ სააკაშვილთან კლინიკა “ვივა მედში “ემპათიას” ცენტრის ექსპერტები შევიდნენ. ექსპერტთა ჯგუფს ემატება ნეიროქირურგიც და უცხოელი სპეციალისტიც, რომელიც პროცესში შესაძლოა დისტანციურად ჩაერთოს. მესამე პრეზიდენტის ჯანმრთელობაზე კომენტარი გააკეთა მისმა ადვოკატმა:
“მიხეილ სააკაშვილის ჯანმრთელობის მდგომარეობა სამწუხაროდ, ჩემი აზრით არ უმჯობესდება, თუმცა ამაზე ექიმები ისაუბრებენ უფრო დაწვრილებით…
თავს გრძნობს სუსტად. სრულფასოვანი მკურნალობაც და კვებაც ხელმიუწვდომელია და ჯერაც არ აღმდგარა, გარკვეული ელემენტები მკურნალობისა მიმდინარეობს, თუმცა სამწუხაროდ ის, რომ ამ დრომდე მისი მდგომარეობა არ გაუმჯობესდა, იმის ინდიკატორია, რომ პოზიტიური ეფექტი ამ მიმართულებით არ გვაქვს” განაცხადა შოთა თუთბერიძემ.