ბორჯომის თანამშრომლების პროტესტი გრძელდება – დღეს გაფიცული თანამშრომლები, თბილისში მთავრობის ადმინისტრაციასთან გადმოინაცვლებენ.
პროცესში მედიაციის როლს ჯანდაცვის სამინისტრო ასრულებს, თუმცა როგორც პროფკავშირების თავმჯდომარე აღნიშნავს, ამ დრომდე თანამშრომლობას შედეგი არ ჰქონია.
“გაფიცვის მე-14 დღეა, ჯანდაცვის მინისტროს მიერ ხელმეორედ ჩაინიშნა მედიაციის პროცესი, თუმცა აქამდე არაფერი არ არის მიღწეული. მიუხედავად დაპირებისა, რომ 2 თვის ნამუშევარ ხელფასს აირებდნენ დასაქმებულები, არაფერი აუღიათ ამ დრომდე. ხელისუფლებას აქვს პასუხისმგებლობა, რომ როცა 2 თვის განმავლობაში დასაქმებულებს ხელფასი არ აუღიათ, მიიღონ ზომები და იქნება მიმართვაც” ,- ამბობს გიორგი დიასამიძე.
გაფიცულების მოთხოვნები უცვლელია, ისინი გათავისუფლებული თანამშრომლების სამსახურში აღდგენას, ხელფასების მომატებასა და ადეკვატურ სამუშაო პირობებს ითხოვენ.