სად რა ხდება უკრაინის ფრონტების ძირითად მიმართულებებზე – ომის 107-ე დღე

0
43
დნეპრის ოლქი:
ღამის განმავლობაში რუსეთმა რამდენჯერმე დაბომბა დნეპრის ოლქის დასახლებები, მსხვერპლი არ არის.
რუსმა ოკუპანტებმა ცეცხლი გაუხსნეს კრივოი როგის რაიონს, ზელენოდოლსკში არის ნგრევის შემთხვევები, დაიჭრა 41 წლის ქალი. შიროკოვოსა და აპოსტოლის მხარეებში არავინ დაზარალებულა.
ლუგანსკის ოლქი
ამ რეგიონში სიტუაცია უკიდურესად მძიმეა. ოკუპანტებმა სევეროდონეცკის ერთერთი სიმბოლო – ყინულის სასახლე გაანადგურეს. ასევე, ჭურვი მოხვდა ამიაკის ცისტერნას ქარხანა “აზოტში”.
სევეროდონეცკი
ქალაქში შეტაკებები გრძელდება, ისევე როგორც დასახლებულ პუნქტებში პოპასნაიასა და გორნიში.
ოკუპანტები ცდილობდნენ შტურმის განხორციელებას პოჩეჩნისა და ნიკოლაევკის მიმართულებით. უკრაინელთა მხრიდან წერტილოვანი დარტყმების შემდეგ ისინი უკუიქცნენ. დანგრეულია საცხოვრებელი სახლები.
ხარკოვის ოლქი
სარაკეტო დარტყმების შედეგად ორი მშვიდობიანი მცხოვრები დაიღუპა, 15-მა ჭრილობები მიიღო.
დონეცკის ოლქი
9 ივნისს ოკუპანტებმა მოკლეს სამი მშვიდობიანი ადგილობრივი: ორი ავდეევკაში, ერთი კი – ნოვოუკრაინკაში.
ამ დრომდე ვერ ხერხდება დაღუპულთა ზუსტი რიცხვის დადგენა მარიუპოლსა და ვოლნოვახაში. ამავე დროს, რუსი ოკუპანტები აგრძელებენ დასახლებების: ბახმუტის, კალინოვოს, პერვომაისკოეს, ხრომოვოსა და ნიკოლსკოეს დაბომბვას.
ხერსონის ოლქი
უკრაინელთა წარმატებული კონტრშეტრევების შედეგად ქალაქამდე სულ ცოტა (15-20 კმ) მანძილია დარჩენილი. რუსი ოკუპანტები დაკარგული პოზიციების დაბრუნებას ცდილობენ, მაგრამ უშედეგოდ. ხერსონის ოლქში ძალიან ბევრი დანაღმული სახლი, ქუჩა და ხიდია.
ფართომასშტაბიანი შეჭრის დაწყებიდან დღემდე უკრაინაში ოკუპანტთა აგრესიის შედეგად 754 ბავშვი დაზარალდა. აქედან 263 დაიღუპა, 490-ზე მეტმა კი სხვადასხვა დაზიანებები მიიღო.
წინა სტატია“საქართველოს მთავრობა პრორუსულობის სულ უფრო მეტ ნიშანს ავლენს” – ფრანგული მედია
შემდეგი სტატიაზაპოროჟიეში რუს ოკუპანტებს 121 მშვიდობიანი მოქალაქე მძევლად ჰყავთ აყვანილი
ტელეკომპანია ოდიშის საინფორმაციო სამსახური