ბრიტანეთის დაზვერვის განახლებაში ნათქვამია, რომ რუსეთი კვლავ აკონტროლებს ქალაქ სევეროდონეცკის უმეტეს ნაწილს, თუმცა ბრძოლები გრძელდება. უწყების ცნობით, რუსეთს მცირე პროგრესი აქვს ჩრდილოეთიდან და სამხრეთიდან ქალაქის ალყაში მოქცევის მცდელობაში.
ბრიტანეთის დაზვერვა ამბობს, რომ ოკუპირებულ ხერსონში, სავარაუდოდ, მედიკამენტების კრიტიკული დეფიციტია, მარიუპოლი კი ქოლერას დიდი აფეთქების საფრთხის წინაშეა. მათივე ცნობით, ქოლერას ცალკეული შემთხვევები მაისიდან დაფიქსირდა.
“სამედიცინო სერვისები მარიუპოლში, სავარაუდოდ, უკვე კოლაფსს უახლოვდება: ქოლერას დიდი აფეთქება კიდევ უფრო გაამძაფრებს ამას”, – წერს დაზვერვა.
უკრაინაში ქოლერას ეპიდემია 1995 წელს იყო და მას შემდეგ ქვეყანაში მცირე ვირუსული აფეთქებებიც იყო, განსაკუთრებით აზოვის ზღვის სანაპიროზე, რომელიც მარიუპოლს მოიცავს.