რუსული შენაერთები მთელი ღამის განმავლობაში არტილერიით ბომბავდნენ სევეროდონეცკს, გამთენიისას იყო შტურმის მცდელობა ქალაქზე, რაც უკრაინის არმიამ უკუაგდო, – ნათქვამია დილის ცნობებში უკრაინის სხვადასხვა ფრონტზე არსებული მდგომარეობის შესახებ.
წარუმატებელი აღმოჩნდა რუსი ოკუპანტებისთვის, ასევე, დასახლება უსტინოვკის აღების მიზნით წარმოებული შტურმი: მტერმა დიდი დანაკარგი მიიღო და უკუიქცა.
სლავიანსკის მიმართულებაზე რუსული შენაერთები გადაჯგუფდნენ და ქალაქზე შეტევას აპირებენ.
უკრაინის შეიარაღებულმა ძალებმა, დღე-ღამის განმავლობაში, ოთხჯერ შეუტიეს რუსულ პოზიციებს ქვეყნის სამხრეთის ფრონტზე. ლიკვიდირებულია, მინიმუმ, 20 ოკუპანტი, აფეთქებულია რამდენიმე ერთეული ჯავშანტექნიკა და საბრძოლო მასალების საწყობი.