უკრაინაში დაღუპული კიდევ ერთი ქართველი მებრძოლის ცხედარი კიევშია გადასვენებული. არსებული ინფორმაციით, ჯარისკაცი 3 დღის წინ ქალაქ ბახმუტთან, საარტილერიო შეტევის დროს უკრაინელ სამხედროებთან ერთად დაიღუპა.
გიორგი გრიგოლიას ცხედრის სამშობლოში გადმოსვენებისთვის ახლა უკრაინაში შესაბამისი პროცედურები მიმდინარეობს.
გიორგი გრიგოლია მამასთან და ცოლ-შვილთან ერთად, უკრაინაში 16 წელი ცხოვრობდა. ნათესავების თქმით, მამამისი ნიკოლაევში რუსების ალყაშია და გარდაცვლილი შვილის ცხედართან მისვლას ვერ ახერხებს. მასაც და მამამისსაც ორივე ქვეყნის მოქალაქეობა ჰქონდათ.
ნათესავების ინფორმაციითვე, დაღუპულმა ცოლ-შვილი ომის დაწყებისთანავე თურქეთში გაგზავნა, მათ უსაფრთხოებიდან გამომდინარე საკონტაქტოც შეიცვალეს, რის გამოც დაკავშირება ჯერ ვერ ხერხდება.