რუსეთის სასამართლომ უკრაინის ომში დაღუპული რუსი სამხედროების სია სახელმწიფო საიდუმლოდ ცნო – ამის შესახებ ინფორმაციას “ekhokavkaza” ავრცელებს.
გამოცემის ცნობით, სვეტლოგორსკის სასამართლომ სახელმწიფო საიდუმლოდ ცნო უკრაინაში დაღუპული რუსი ჯარისკაცების სია, რომელიც გამოცემა “60.RU-მ” გამოაქვეყნა.
სასამართლომ დაადგინა, რომ დაღუპულთა შესახებ მონაცემები “ააშკარავებს პერსონალის დანაკარგებს, როგორც ომის დროს, ისე მშვიდობიანობის პერიოდში ჩატარებული სპეცოპერაციების დროს”, რის გამოც ინფორმაცია სახელმწიფო საიდუმლოებას მიაკუთვნა.
ცნობისთვის, რუსეთში სახელმწიფო საიდუმლოების გამჟღავნებისთვის სასჯელი შვიდი წლით პატიმრობაა.