სასწრაფო სამედიცინო დახმარების თანამშრომლები საპროტესტო აქციებს განაგრძობენ. მედიკოსები საგანგებო სიტუაციების მართვის სამსახურთან შეიკრიბნენ, საიდანაც მსვლელობით ჯანდაცვის სამინისტროსთან გადაინაცვლებენ.
მათი მთავარი მოთხოვნა სახელფასო ანაზღაურების 100%-ით გაზრდა და სამუშაო პირობების გაუმჯობესებაა.
“აქციაში მონაწილეობას ძირითადად იღებს ის ხალხი, ვინც არ მუშაობს ან ნამორიგევებია, რომ არ შეეტყოს მუშა პროცესს და ქალაქს პრობლემა არ შეექმნას მედიცინის მხრივ, სასწრაფო დახმარების მხრივ. ვითხოვთ ხელფასის მატებას, ანაზღაურება რომ იყოს ლოგიკური და იმისთვის შესაბამისი, რომ შევძლოთ ოჯახების რჩენა და არ ვიყოთ ხელგაშვერილები. გაგვესაუბრონ, რაღაც დაგვიანონსონ არ არის აქ რადიკალიზმზე, ჩვენ არ ვართ ექიმები რადიკალური ხალხი, უბრალოდ გვინდა საუბარი და გავარკვიოთ რას გვიპირებენ”, – ამბობს აქციის მონაწილე
მედიკოსები მინისტრთან შეხვედრას ითხოვენ. გავრცელებული ინფორმაციით, ჯანდაცვის სამინისტროში სასწრაფო სამედიცინო დახმარების თანამშრომლებთან შეხვედრა 4 საათზე ჩაინიშნა.
პროტესტს შეუერთდა პროფკავშირებიც.